قالوا الحب عذاب و حزن و جراح
قالا الحب هوان و آلام
لكن قلبي قالي
الحب حياة
الحب ملاك
بجناحاته بيرفرف حوالين لأحباب
بلقاهم فرحان
الحب إيمان
بينور قلوب عشاقه
الحب ضمير صاحي
و عيون داقت دموع التوبة
الحب ابتسامة رضا بالقسمة و المكتوب
الحب صحوة من موت القلوب
الحب خير و فضيلة
من أصل الروح مخلوق
الحب احساس مطيب جروح الناس
الحب أمل لحقيقة الحلم
الحب ذكرى و وفاء بعهود
الحب بسمة على شفايف الوجع
الحب نسمة تخفف صيف العذاب
الحب خارج حدود الزمن
الحب خلود
الحب بره الدواير ...
بره المصالح
الحب بيلغي الحدود
الحب .. لو موجود
مش محتاج كلام و وعود
الحب أكبر من رسم الشفايف و القلوب
الحب مش الورد لاحمر و الدبدوب
الحب مش يوم
اروي الحب في قلبك كل يوم
الحب سر في سراديب الكون
الحب روح طايرة في الملكوت
ساكنة في الكلام
و بتتكلم في السكوت
الحب أجمل من أجمل جميلة
لمحتها عيون الكون
الحب شباك .. و طالل
على سماوات الروح
و بحر القلوب
الحب جنية ..
و اللي يحب مسحور
الحب أبيض بكل ألوان الورود
الحب عبير يشدك لنقطة مصير
على بر العفو و السماح
الحب جسر يهد أي حواجز و أي سدود
الحب لغة الروح
هناك تعليق واحد:
اول مرة الاقي حد كاتب عن الحب بجد مش بس حب اتنين لبعض عشان احنا دايما بنحصر كلمة الحب ف شخصين اتنين مش الحب ككلمة ليها معاني كتير
احييك علي كلماتك التي لمستني جداااا
إرسال تعليق