يا أحلى اسم في الوجود
يا مصر الكنانة
يا أعظم مكانة
يا محروسة
يا منصانة
يا صابرة
ع الغلب و المهانة
يا قوية
ع الظلم و القسية
يا جميلة
يا بهية
و يشهد عليَّ
النيل
اللي بيجري بين ضفايرك
و البحر
اللي بيرد كيد عزالك و حسادك
يا مهد الرسالات
يا حضن الأزهر و الكنيسة
يا مؤمنة
يا طاهرة يا قديسة
يا مصر الحضارة
التاريخ رسم اسمك بمية الدهب
يا حرة يا أبية
و كل شر على ايدك هلك
يا أم القلب الابيض
ياللي بالمحبة
لمة الأخوة و الصحبة
و خايف
من بعد حضنك يتفرق اخواتك
يا سندهم
يا شديدة يا عفية
يا عزيزة
يا أم الفقير و الباشا
مستنية بكرة
و بكرة مستني ولادك
بمجاديف العزيمة القوية
و الطموح اللي مالوش نهاية
و العدل و الحرية
يعدو بيكِ للبر الهادي
لبر الحب و السكينة
متقسيش عليهم أمانة
و ادعيلهم
ربنا قادر و شاهد
يا أم الخير
الباشا كان بيغرف من التكية
و نهب قوت الرعية
و الظلم غالب
قيد ايدك
و لجم لسانك
نسي إنه ابنك
ابنك الجاحد
كان واحد
لكن الفساد فيرس بيعدي
و الطمع بيعمي
و القلب لما يقسى
يصبح لونه اسود
يعيش فيه العفن و العطانة
و كل واحد من ولادك
يطبطب على صدرك
يا قلبه عليكِ و بياخد بخاطرك
يا طمعان في كردانك
و منين تعرفي النية
يا غلبانة
لكن ربك بالغيوب عالم
ورح يجي اليوم اللي تعرفي فيه
ابنك البار من ابنك الجاحد ..
ليست هناك تعليقات:
إرسال تعليق